నాహం కర్తాః హరిః కర్తా తత్పూజా కర్మ చాఖిలం తదాపి మత్కృతా పూజా తత్ప్రసాదేన నా అన్యథా

Showing posts with label శ్రావణబహుళాష్టమి. Show all posts
Showing posts with label శ్రావణబహుళాష్టమి. Show all posts

Aug 13, 2009

అడర శ్రావణబహుళాష్టమి నేఁ డితఁడు నడురేయి జనియించినాఁడు చూడఁగదరే.

కృష్ణాష్టమి సందర్భంగా బ్లాగ్మిత్రులందరికీ నా శుభాకాంక్షలు
రామక్రియ
అడర శ్రావణబహుళాష్టమి నేఁ డితఁడు
నడురేయి జనియించినాఁడు చూడఁగదరే. IIపల్లవిII

గొంతిదేవిమేనల్లుఁడు గోపసతులమగఁడు
పంతపుపాండవులకు బావమరఁది
వంతుతో వసుదేవదేవకులకుమారుఁడు
ఇంతటికృష్ణుఁడు జనియించినాఁడుగదరే. IIఅడరII

బలరామునితమ్ముఁడు పంచసాయకునితండ్రి
మలసి మేటైనయభిమన్యునిమామ
లలి సాత్యకిసుభద్రలకుఁ దోబుట్టినయన్న
ఇలపైఁ గృష్ణుఁడు జనియించినాఁడుగదరే. IIఅడరII

శూరసేనుమనుమఁ డచ్చుగ ననిరుద్దుతాత
పౌరవయాదవలోకబాంధవుఁడు
అరయ శ్రీవేంకటేశుఁ డలమేల్మంగకుఁ బతి
యీరీతిఁ గృష్ణుఁడు జనియించినాఁడుగదరే. IIఅడరII ౪-౧౬౦

1 comments

శ్రావణబహుళాష్టమి జయంతి నేఁడు సేవించరో నరులాల శ్రీకృష్ణుఁడితఁడు.

శ్రావణబహుళాష్టమి(కృష్ణ జయంతి) సందర్భంగా బ్లాగ్మిత్రులందరికీ నా శుభాకాంక్షలు.
సాళంగనాట
శ్రావణబహుళాష్టమి జయంతి నేఁడు
సేవించరో నరులాల శ్రీకృష్ణుఁడితఁడు. IIపల్లవిII

భావింప వసుదేవునిపాలిటిభాగ్యదేవత
దేవకిగనినయట్టి దివ్యరత్నము
చేవమీర సురలరక్షించేకల్పతరువు
యీవేళ జన్మించినాఁడు యిదె కృష్ణుఁడు. IIశ్రావణII

హరవిరంచాదులకు నాదిమూలకారణము
పరమమునులతపఃఫలసారము
గరుడోరగేంద్రులకుఁ గలిగిన నిధానము
యిరవుగా నుదయించె నిదె కృష్ణుఁడు. IIశ్రావణII

బలు యోగీశ్వరుల బ్రహ్మానందము
చెలఁగుభాగవతులచింతామణి
అలమేల్మంగకుఁ బతి యట్టె శ్రీవేంకటాద్రి-
నిలపై జన్మించినాఁడు యిదె కృష్ణుఁడు. IIశ్రావణII ౪-౧౩౯

0 comments

ధర్మో రక్షతి రక్షితః

ధర్మాన్ని రక్షించండి. అది మిమ్మల్ని రక్షిస్తుంది.

విషయసూచిక

నాకిష్టమైనవి

ప్రస్తుత వీక్షకులు

నా ప్రపంచం

అతిథి దేవో భవః

స్వపరిచయం

 
నరసింహ - Template By Blogger Clicks